ტანთ მცვია მთების ქათიბი...: მინი პორტრეტები

Montag, 18. Juli 2011

* * *

მზის სხივმ

დამფერა ოქროსფრად,

მკერდზე მარწია

მთის ქარმა...

სურნელი

ცის ცვარს ვთხოვე

და...

ყვავილთა კდემა

მიქარგა...

* * *
გავჩუმდები...
დედამიწას უკვე,

ნისლისფერი

აკვანივით არწევს...

იქნებ ზეცას

ჩამოვხიო თალხი,

და ამ დუმილს

ფერმკრთალ ცას დავაწერ...

* * *

ტანთ მცვია მთების ქათიბი

მიწას მოვირგებ ქალამნად,

ყელზე შევიბნევ ცის ცვარს და

მთის ყვავილების ქარავანს…

* * *

მზეს სხივი დაებნა ჩემს ყელთან

დამფინა ალერსი თავნება,

არ ყოფნის მარტოდენ შეხება

მცხუნვარე ჟინი ათავხედა...

* * *
მე გაზაფხულს დავესესხე

სიკეკლუცე, ღიმილი

და მოვისხი

მანტიად...

ნიავ_ქარებს აყოლილი

ჩემი შლეგი ხასიათიც

ჭირვეული

მარტია...

2010

ტანთ მცვია მთების ქათიბი...