დამემგზავრე

Donnerstag, 6. Oktober 2011

* * *

მგზავრი ვარ წუთისოფლისა
წუთის წამებში მავალი,
სადაც კი ფიქრი ვაწვდინე
სულ ყველგან დავდგი კარავი.
ვერ შევაჩერე საწუთროს
თავაწყვეტილი ნავარდი,
ვდევდი ვით ქარი აშარი,
ქალბნელი_ურჩი წარმართი,
სად არ გეძებე, ბედკრულსა
მიცივდებოდა ღადარი,
ხან გაზაფხულად მოვედი
ია_ენძელათ სადარი,
ხან ამომავალ მზის სხივით
გხატავდი, ლექსშიც გკარგავდი,
ხან ცას ვეკიდე ცრემლებად,
სიზმრის სარეცელს ვქარგავდი,
არ მიერთგულა ყისმათმა
ვერ ვიქენ შენი სადარი,
ჩემს ნაკვალევსა მომყოლი
ცრემლებით შლიდა ავდარი...

Stuttgart 2009