ტანთ მცვია მთების ქათიბი...: * * *

Mittwoch, 6. Juli 2011

შეჩერდი ქარო!

მომაშორე ურცხვი ხელები,

ტანს ასხლეტილი

კაბის კალთით წლებში ვიბნევი...

მაცადე წუთით

ჰორიზონტი გადავიარო,

შორს მოვიტოვო

ეს უტეხი კლდენი ფრიალო...

წამო, ჩამოვსხდეთ

ბუხრის პირას

გიწვდი ალიონს...

წლებში დავკრიფოთ

წუთები

და წამში დავლიოთ...

ჩამკიდე ხელი,

ჩავიაროთ

ეს ჰორიზონტი...

და...

შენი როლი დაასრულე

ჩემს ეპიზოდში...

2009გერმანია

ტანთ მცვია მთების ქათიბი...