* *

ისრე ჯავრიანი ფიქრი შამამიჩნდა,

ვიცი, ჩემი სისხლის ჩუმი ყივილია,

ბარად ფიქრებს  ვაგებ ისევ არაფრისგან,

შორს კი მოთმინებით მთები მიმელიან.

ცაზედ მოჯარება იწყეს შავ ღრუბელთა,

მდუმარ  მწვერვალებზე ჯანღი ეკიდება,

ზამთარ ნაადრევად ივსებს  ვრცელ  უბესა,

დღეებს შესჩვევიათ მალ_მალ  შებინდება...

წელი შემომაცვდა  უკვე მერამდენე,

საწუთროს ფერმკრთალი სიმშვიდით ვუღიმი,

უძილობა კვნეტავს ზამთრის გრძელ ღამეებს,

ბუხარს შევსჩენიორ  მდუმარე კუნძივით...

11.11.2011